Frieda @fri.dafina (textíl) og @friedaallskonar (myndir) hefur gengið til liðs við okkur í byrjun febrúar. Hún er fædd og uppalin í Þýskalandi og flutti til Íslands árið 2017. Hún lærði innanhússhönnun og byggingarvernd í Þýskalandi og starfar aðallega í kvikmyndaiðnaðinum fyrir lista- og búningadeildir. Í frítíma sínum prentar hún, tekur myndir, saumar og málar. Arfleifð og hefðir skipa stóran sess í starfi hennar. Fyrstu vörur hennar eru því tileinkaðar gömlu íslensku handverki og miða að því að gera það aðgengilegra fyrir breiðari hóp fólks.